Minsan may isang tao na gustong gusto mo pero hindi mo maamin ang nararamdaman mo dahil maraming pwede mapunta sa panganib. Pwedeng friendship o kaya anuman. Pero ang malinaw dun, lahat tayo ay takot umamin sa taong mahal natin. lalo na kung lalaki ka. Ako rin naman danas ko yan. Nasa harap mo na siya pero bawat kabig ng dibdib at tibok ng puso ay palayo. Nanlalamig ang palad sabay bagsak ng mga pawis na sinlaki na ng bala. Mabilis ang tibok ng puso at biglang manlalamig ang hangin. Lalaki ang mata mo at manginginig ang tuhod mo. Hanggang sa makita mo na lang na lumipas na pala ang pagkakataon at wala ka nang nagawa. Hindi ka man lang nakapag hi sa taong gusto mo. Sinayang mo lahat ng pagkakataon.
Pero kung mabibigyan nang pagkakataon, sabi ng kaibigan ko ito ang nais niyang sabihin:
"Gusto kita, talagang gusto kita - at hindi ako ang tipo ng lalaki na basta basta sinasabi yun ako yung lalaki na sumuko na sa pagmamahal dahil minsan kong ibinigay to sa taong hindi naman pala kayang suklian. Nasaktan ako ng sobra sa punto na ang tingin ko sa mga taong nagmamahal ay tanga. Pero nung makita kita, lalo na nung nakilala kita. Nagkaron ka ng kinang sa mga mata ko. May hawak ka sa puso ko na hindi ko kayang kalasin kahit gustuhin ko, Sobrang sakit, saya at galak pag nakikita kita pero hindi ko kayang pigilan na mahalin ka kahit isang segundo ng buhay ko. Hindi ko alam kung ibabalik mo ang nararamdaman ko pero sana bigyan mo ko ng pagkakataon"
Pero syempre di ba di mo naman kayang sabihin yan di ba? kaya andun ka ligaw tingin para kang tanga. Titingnan mo na lang siya dahil kapag nilapitan mo siya, marahil magiba tingin niya sayo at hindi ka na niya kilalanin. May sakit din tayo na bumubuo tayo ng perpektong imahe ng taong gusto natin kaya ayaw natin mabasag ang mga ilusyon na to.
Sa huli wala rin naman tayong magawa sa mga taong gusto natin kaya tingin na lang tayo at umasa na sana magkahimalang tayo ay lapitan at magkaron ng himala na mabigyan ng pagkakataon. Ang hirap talaga pag hindi ka masyado kumpiyansa sa kung anong meron ka. Tingin mo sa lahat ng taong mahal mo, di ka karapat dapat.
No comments:
Post a Comment