Darating sa punto na hindi niyo na rin alam ang gagawin. Nagsasawa na dahil saulo niyo na masyado ang isa't isa o kaya may nahanap na siyang iba. Basta yung akala mong habang buhay ay nakakakita na ng wakas. lahat ng pundasyon ng relasyon na binuo niyo ay unti unti nang nadudurog. Kailangan niyo nang tanggapin na wala na talaga at kailangan nang tapusin. Ang problema ay... paano kayo mag hihiwalay?
Masyado kayong takot para umalis at masyado nang sugatan para maging kayo pa. Kaya patuloy niyong sasaktan ang isa't isa habang nagpapanggap na masaya sa harap ng iba. Tatawagin niyo siyang pagmamahalan kahit ang totoo ay inuubos niyo na lamang ang lakas at sinasayang ang oras niyong dalawa. Ang hirap maipit sa isang bagay na hindi mo alam paano tapusin kahit paulit ulit ka nang nasasaktan.
Kaya uusad kayo sa isang relasyon na hindi kayo masaya at patuloy niyong uubusin ang lakas ng isa't isa. Minsan alam na niya ang mga bagay na makakasakit sayo pero gagawin niya para sayo ang sisi na ikaw ang kumalas. Hindi niya nanaisin ang sisi ay mapunta sa kanya. Pilit niyong itutulak ang isa't isa hanggang sa may sumuko na. Walang gustong kumuha ng sisi. Kaya magpapatuloy ito hanggang sa may sumuko na naga at tanggapin lahat ng sisi.
Ganun talaga. Walang gustong masisi sa huli.
No comments:
Post a Comment