Andaming katarantaduhan na umiikot sa mundo. Kaya nga wag na magmahal eh. Ang hirap kaya nung masaya kayo ngayong araw na para bang wala ng bukas tapos kinabukasan biglang malalaman mo ayaw na pala niya sayo.
Mahirap umusad sa isang relasyon na hindi mo alam ang nangyari. Tipo bang gumising siya ng isang araw tapos naisip niyang hindi ka na pala niya mahal. Wala siyang masabi kundi ayaw na niya sayo at tapos na kayo. Walang cliche na palusot tulad ng I don't deserve you o kaya I need space. Basta tapos ang usapan ayaw na niya sayo. Di mo alam kung may mali ba o nagawa ka pero ang malinaw lahat ng kaligayahan mo ay alaala na lamang ng kahapon.
Pero maswerte ka pa nga kung sabihin niy na tapos na kayo eh. tipong may closure kaya kahit papaano alam mo yung mali sayo, sa kanya at malinaw sayo na tapos na. Dahil maraming pagkakataon na natatapos na ang relasyon na di mo pala alam na tapos na. Para siyang kaluluwa na nagparamdam tapos malalaman mo na lang wala na pala kayo. Iniwan ka na nga sa ere, minsan naipagpalit ka na ng di mo alam. Tapos ng walang kasiguraduhan, habang buhay mong palaisipan.
Kung iniwan ka dahil sa pagkakaiba niyo lamang ay maswerte ka pa pala, kasi mayroong iba na iiwan ka para sa iba kaya magiging palaisipan sayo kung sapat ka pa ba bilang tao o kaya ano ba talaga ang halaga mo. Ikukumpara mo na ngayon ang sarili mo sa bawat taong makikita mo at makikita mo na lamang ang mga bagay na mali sayo. Dahil lamang ipinagpalit ka sa ibang tao.
Pero mas masakit ipagpalit lalo na kung sa isang taong malapit ka pa ipinagpalit. Tila bang nawalan ka ng mga pader na sasandalan at nawalan ka ng tatapakan na lupa. May mga ipinagpapalit sa kanilang matalik na kaibigan na sila pa mismo ang nagsasabi sa kanila na umusad na. Tapos malalaman mo sila na pala. May mga pagpayo pa siya at pagiging shoulder to cry on pa pero sa huli inagaw nila ang taong mahal mo. Matalik na kaibigan na minsan ay malingkis pa sa isang ahas. Ang nakakatawa pa, hindi mo maiisip sisihin yung taong nanloko sayo bagkus ang magiging palaisipan mo ay pano ka naahas ng matalik mong kaibigan. Maliliyo ka na lang sa dami ng palaisipan habang sila ay masaya na sa piling isa't isa.
Mauubusan ka ng luha at matutuyuan ka ng laway pero hindi maikukubli ang katotohanan na iniwanan ka na. Maaring ipinagpalit ka sa matalik mong kaibigan, Iniwan ng walang dahilan o kaya basta iniwan na lang ng walang paliwanag. Kailangan mo na lang talaga unawain na kailangan umusad ng mundo mo kahit wala na ang isang tao na akala mo habang buhay na makakasama mo.
Kapag ikaw ay iniwan, naiwan, o kaya ipinagpalit. Kailangan mo tanggapin na nagmahal ka ng isang taong di ka kaya ipaglaban.
No comments:
Post a Comment