Mahirap magmahal ng tao na sobrang dinurog ng iba. Yung konsepto nila ng pagmamahal ay nawala na nga ng tuluyan at ang tingin nila sa lahat ay isang manloloko na kapag nakuha na ang gusto ay umaalis na lang ng walang paalam at humahanap na ng iba. Sobrang hirap talaga lalo na ang tingin niya sa pag ibig ay nararamdaman na lamang ng mga taong uhaw sa kalinga kaya kahit ikaw na seryoso sa kaniya at handang magalay ng tunay na pagmamahal, tatanggihan niya.
Lahat na ng ginawa mo para sa kaniya ay nauuwi sa wala dahil iniisip niya tulad ka lamang ng ex niya. Kahit ang mga sweet na bagay ay nagiging masama dahil ayun nga may nanggago sa kaniya. Nakakainis minsan dahil parang hindi naman patas sayo at hindi naman ikaw ang taong yun, pero kailangan mong unawain, nasaktan eh. Kaya mag pursigi ka lamang na gumawa ng mga bagay na makakalimot ng kaniyang nakaraan at sana hayaan ka naman niyang maging ikaw at hindi lamang alaala ng kahapon niya.
Mahirap pero uunawain mo dahil nandito ka na eh, ngayon ka pa ba aatras. Kailangan mo na lang mapanatag at mahalin ng tunay. Minsan nakakasakal pero lalaban ka at titiisin mo at sa kabila ng pag titiis ay maiisip mo "Gaano ba kagrabe ang ginawa ng ex mo at kahit ilang beses kong sabihin mahal kita eh ayaw mo maniwala"
Pero laban lang kaibigan at hayaan mong maghilom siya at magsimula kayo ng kayo lang na wala nang bakas ng kahapon.
No comments:
Post a Comment