Day 138: (1)Kung Sino ngayon

Mahal kita wala ng pero preno basta mahal kita
Higit sa kung sinoman pangako ikaw lang talaga
Nais kong ibigay sayo ang mundo
At gagawin ko lahat basta ako'y mapa saiyo
Higit sa ngiti mo ang minahal ko sayo
At higit pa sa sapat ang gagawin ko para mapasayo
Handà akong ibigay ang buong buhay ko
Basta tanggapin mo ako

Nakakatawang, andaling bitawan ng mga salita
O kaya isulat sa oras na humalik ang papel sa tinta
Madaling gumawa ng katedral ng pangako
At madaling magburo ng matatamis na salita

Pero wag ka magalala dahil Hindi ito halik sa hangin
Hindi sulat sa tubig o ukit sa buhangin
Kayang panindigan ang mga salitang ito
Ngunit hindi ng taong nasa harap mo

Hindi, dahil masyado pang marupok ang aking pagkatao
Hindi, dahil Hindi pa ko perpektong hulma ng kung sino ako
Hindi, dahil ako'y bata pa at baka ikaw ay masaktan
Hindi, dahil marami pa Kong dapat patunayan

Mahal ka naman ng taong nasa harap mo
Handa niyang gawin ang lahat makuha lang ang iyong oo
Ipaglalaban ka kung humarap ang tukso
At ibibigay ang lahat ng oras sa iyo

Ngunit mahirap magmahal ng iba
Kung mismong sarili mo ay di mo lubos kilala
Sa paghanap ng sarili kita natagpuan
Ngunit nais ko munang may mapatunayan

Kaya lagi mong tatandaan
Na may taong nagmamahal sayo ng lubusan
Higit pa sa inyong naiintindihan
Higit pa sa kaninong kamalayan

May nagmamahal sayo pero d siya karapat dapat sayo
Dahil ng taong nasa harapan mo
Ay kulang upang mahalin ka
At di ako papayag na kalahating pagmamahal ang iyong makukuha

Pagdating ng panahon sana ay makita muli kita
Dahil sa ngayon ay malabo pa talaga
Pangako, muling susuyuin kita
Dahil ang katotohanan ay
Mahal na mahal ka ng taong nasa harapan mo
Ngunit Hindi karapat dapat ang taong nasa harapan mo