Pinanood mo paano kami nagmahalan
at saksi ka sa bawat bagay na pinagawayan
pero sayo ko rin napatunayan
na sadyang magkaiba ang tropa sa kaibigan
maayos naman ang aming nasimulan
maayos na relasyon, kasama pa sa lakad ng tropahan
hindi niya ko pinagbabawalan
basta kasama ko siya sa inuman
maayos ang aming relasyon
ngunit sadyang darating ang pagkakataon
na ang apat na taon naming pinagsamahan
ay nauwi na nga lamang sa hiwalayan
bilang tropa ay nandyan kayo
sa bawat drama at luha ay kasama ko kayo
Malaki ang aking papasalamat sa inyo talaga
Lalo na sa iyo, ang pinakamalapit kong tropa
sinamahan mo ko lumuha at uminom
naunawaan ako, kahit ang bibig ay nakatikom
tinulungan mo kong makalimot
ng isang karanasan na napaka masalimuot
dumating nga ang araw na siya ay aking nalimutan
at itinuon ko na lang ang pansin sa ating tropahan
ngunit buong katawan ko ay nanginig
nang Makita ko siya na nasa iyong bisig
masyado mong niliteral
na parehas tayo ng kaligayahan
ngayon di ko alam ang dapat maramdaman
dahil wala ka naming kasalanan
respeto na lang sa nagmamahalan
kahit palihim akong nasasaktan
ilang beses kong sasabihin na masaya ko para sayo
pero pinapatay na kita sa isip ko
Lalo na ng malaman ko
na sinusuyo mo siya
habang ako ay nagdurugo
oportunista ka talaga
nilabuan mo ang linya
sa pagitan ng kaibigan at tropa
pero kapag ikaw naman ang iniwanan
wag na wag mo kong lalapitan
No comments:
Post a Comment