Usad mabagal, mahabang lakbayin
Sa langit malapit na ang takipsilim
Dumadampi sakin malamig na hangin
Habang maraming bagay ang iniisip
Naalala ko pa mga sakay ko sa jeepney
Laging kasama ang magulang at kapatid
Tito ko na pinakamalapit
At mga kaibigan na minsa'y kadikit
Minsan kasama pa ang huli kong nobya
Na ngayon ay nawala na
Mga munting alaala
Na bumabalik sa tuwing jeep ay makikita
Kaya naman nakakalungkot
Na ilang araw na lang silang makikita ko
Ang minsang hari nang lansangan
Ay marahil hindi ko na masasakyan
Ngayong nakaupo sa harapan
Side mirror ay aking pinagmamasdan
Habang ang traffic ay pilit kinakalimutan
Kaunting beses ko na lang to mararanasan
No comments:
Post a Comment