Dear My Past best friend,
Kamusta ka na? Alam mo ba 1 year na since nung nag away tayo? hahahaha time flies nga naman pero sumulat ako para hindi mang asar ,ngunit para humingi ng tawad. Nasaktan kita ng sobra noon at hanggang ngayon ay binabagabag pa rin ako ng konsensya ko ngayon kung bakit ko nagawa iyon sa iyo. Alam kong maka ilang beses na akong humingi ng tawad at ako'y hihinging muli. Patawad sa lahat ng aking nagawang hindi kanais nais sa iyo.
Sa kabilang banda naman ay nais kong magpasalamat dahil kahit naman sa isang punto ng buhay ko ay lumigaya ako kasama ka. Ang higit ko pang ipinagpapasalamat ay noong tayo ay ipinagharap dalawa at sinabi mo na gusto mong ibalik yung dati nating pagkakaibigan. Sa totoo lang nagsisisi ako hanggang ngayon kung bakit hindi ko tinanggap ang alok mo na iyon, at inabot pa ako ng isang taon upang maunawaan ang sitwasyon. Nagsisisi akong itinaboy ko ang taong kahit grabe ko ng sinaktan ay handa pa rin akong tanggapin sa huli.
Ang hinihiling ko lang ngayon kahit huli na ay nais kong maibalik ang dati nating pagkakaibigan. Ang isang bagay na itinapon ko sa di ko maalalang dahilan. Hindi biglaan pero kahit unti unti. Nanghihinayang ako na pinakawalan ko ang isang tao na kasing bait mo. Kung hindi na naman maibabalik ang dati ay matatanggap ko naman at naiintindihan kita. Muli salamat sa pagiging maintindihin at pagiging kaibigan ko. Inaasahan ko ang iyong sagot. ^_^
No comments:
Post a Comment