Day 84: SiGuro

Pangalawang magulang ang turing
Sa mga taong sa paaralan lumikha ng sining
Mga taong sa diwa natin gumising
At turuan tayo ang nais nilang hiling

Ngunit Hindi ba parang kulang?
Sinasahod nila sa isang buwang
Puro lesson plan, compute ng  grades at overtime na walang bayad
Na sa likod ng ngiti nilang matingkad
Ay humihiling sila ng buhay na banayad

Ang isang nagoopisina iilang tao ang kanyang nakakasalamuha
Ngunit si guro ay higit pa sa Lima
Higit sa bente o isang daan
Ang buhay nyang nahahawakan
Iba't ibang pagkatao
Iba't ibang ugali at talino
Hindi ba mas may karapatan sila magreklamo
Mas may karapatan sila mabugnot?

Oo, bilang estudyante mahirap ang pinagdadaanan
Exams, quizzes, assignment at presentation kinabukasan
Lahat tayo laging umaangal
Sa lahat na lang umaatungal
Lahat nagrereklamo at umaabot pa sa social media
Pero may nagtanong ba kung kamusta sila?

Kalahati ng kanilang sistema
Umiikot na sa kape
Sila'y Hindi natutulog na
Pero sino nagkapake?
Mga pilit na ngiti
Sa likod ng sariling pighati
Mga matang nais nang lumuha
Pero idadaan pa nila sa tawa
Kaya ikaw magpakabait ka
Pasalamat ka at ipinapasa ka pa nila