Yakap ng lalawigan ang sumalubong
Habang hawak hawak ko ang pasalubong
Ramdam ang pagod sa mahabang byahe
Alangan pa ang dalang pamasahe
Pawis sa noo ay namumuo
Kamay ay pasmado
Pusong mabilis ang tibok
Kalamnan ay tila sinusuntok
Sa oras na nga ako hapit
Bigla naman naipit sa traffic
Noo'y namumula
Init ay alintana
Aircon ay nilakasan
Tila pa rin sinisilaban
Habang init ay iniinda
Kaba ay nadarama
Hindi ko namalayan
Nandito na ko sa patutunguhan
Kaba ay nalimutan
Nang agad kang nasilayan
Ngiti mong kuminang
At pagod sa aking katawan
Ay biglaan naglisan
Grabeng galak ang nadama
Nang makita na kita
Mahabang byahe ay di na iniinda
Dahil ikaw na ay kasama
Dito ko napagtanto
Na di mag isa ang nais ko
Sadyang di ko pa kilala noon
Ang sakin ay magtuturo
Kung paano ibigin
Nag pag libot ng mundo
At ngayon nakilala ko na sya
Nais kong makita mundo kasama siya
No comments:
Post a Comment