Maraming iniisip
Lahat dinidibdib
Akala'y tahimik
Ngayo'y bumabalik
Kinakalimutang pilit
Masasamang panaginip
Ikot ng paligid
Dibdib ay sumikip
Naging alintana
Bumalik na alaala
Nawala parang bula
Basta lamang nanira
Di na babalik pa
Ang winasak nang tuluyan
Umusad naman ang buhay
Pero sana sa ibang paraan
Naiinis parin ako
Pag bumabalik ang pangyayari
Napaka daya ng mundo
Basta na lang akong dinali
Marahil sa aking sarili
Dismayado pa ko masyado
Sana mas maganda
Ang kinabukasang paparating na
Dahil matinding dismaya
Pa rin sakin nangingibabaw
Hindi ko na nais gumanti
O kaya ipasa ang sakit
Ayoko lang sana
Iyon maulit pa
Naging ayos din naman lahat
Pero hindi ako kampante
Ambigat nang mga nangyare
Tapos parang walang nangyare
No comments:
Post a Comment