Sa braso nakakapit
Sandal sa balikat
Mahihigpit na yakap
Matatamis na ngiti
Araw-araw na pagpili
Pagkaing pinagsaluhan
Gabi-gabing usapan
Paglimot ng kahapon
Pag buo ng hinaharap
Mapait ay tinapon
Buong buo tinanggap
Kasama sa pangarap
Planong di nagtugma
Damdamin unti unting nawawala
Ang kumukupas ay pinilit
Ngunit umihip ang hangin
Masakit na biro ng tadhana
Isang araw nagising ako na
Oo kaharap kita
Pero hindi na kita kilala
Malugod kong aaminin
Di ako sayo magdadalawang isip
Noon, ngunit sa ngayon
Kahit aking ipilit
Sa paksa ng pag-ibig
Hindi kana dumadampi
Sa aking isip
No comments:
Post a Comment